#MEC2021 programak 1.350.000 euro bideratu ditu merkataritza-establezimenduak modernizatzeko laguntzetarako

Merkataritza saltokiak Modernizatzeko Laguntza Programak (#MEC2021) Euskadiko merkataritza-saltokiak eta zenbait zerbitzu modernizatzeko laguntzak arautzen ditu, berrikuntzaren, kudeaketa-tresnen hobekuntzaren, azpiegituren eta merkataritza-ekipamenduaren bidez, kalitate- eta lehiakortasun-maila handiagoa lortzeko bide gisa, eta, gainera, COVID-19ren pandemiak sortutako ezohiko egoera kontuan hartuta. Aurten, bere aurrekontuak 1.350.000 euro bideratuko ditu helburu horiek lortzeko hainbat laguntza-lerrotara.

Laguntzak honako hauei zuzenduta daude: beren konturako langileei edo autonomoei, sozietate zibilei eta legez eratutako ondasun-erkidegoei, eta mikro-enpresei eta enpresa txiki eta ertainei, baldin eta beren jarduera nagusia merkataritza-jarduera edo merkataritza-jarduerarekin lotutako zerbitzuak badira, eta beren jarduera Euskal Autonomia Erkidegoko merkataritza-establezimenduetan eta zerbitzu jakin batzuetan egiten badute. Enpresa-jarduerak egoitza soziala eta fiskala Euskadin izan beharko du.

Diruz lagundu beharreko inbertsioaren ehunekoa handiagoa izateaz gain, 2021eko deialdiko berritasunik handiena da merkataritza-jarduerarekin lotutako zerbitzuen titularrak onuradun gisa sartzea, orain arte horrelako laguntzak jaso ezin zituztenak, hala nola irudi pertsonaleko zerbitzuak, tindategiak edo konponketa-zerbitzuak.

Edizio honetan, egoera pandemikoa salbuespenezkoa denez, diruz lagundu daitezkeen hiru ekintza-ildo daude. Batetik, merkataritza-establezimendua eraberritzera eta modernizatzera bideratutako inbertsioak, merkataritza-jarduera eta haren elementuak garatzeko beharrezkoak diren altzarietan eta ekipamenduetan obrak eta inbertsioak eginez.

Bestalde, enpresa-kudeaketa hobetzeko ekipo eta aplikazio informatikoak sartzea, zerga-araudira egokitzea eta web-orrien bidez produktuak merkaturatzea sustatzea. Ildo horretan, garrantzi berezia hartzen du TicketBai online fakturazio-sistema berrira egokitzeko egindako inbertsioei emandako laguntzak.

Azkenik, diruz lagunduko dira COVID-19k eragindako epidemia-egoera dela-eta merkataritza-jarduera higieniko-sanitario onean garatzeko eskuratutako aktibo finkoetan egindako inbertsioak.

Laguntzetarako merezimendu-baldintzak honako hauek izango dira, besteak beste: langileen lan-baldintzak, enpleguko berdintasun-irizpidea, Lana Bateratzeko Plan bat izatea, euskararen erabilera egiaztatzen duten ziurtagiriak izatea, Kontsumobideren arbitraje-sistemara atxikitzea edo negozioaren antzinatasuna.

Informazio gehiago

    

Azken berriak