Euskadin, urtarrilaren 1etik aurrera, enpresek egiten dituzten lan-kontratuen edukiaren berri eman behar dute derrigorrez, telematikoki

Enplegu eta Gizarte Politiketako sailburuaren 2015eko azaroaren 5eko Aginduak, Euskal Autonomia Erkidegoan lan-kontratuen edukia eta haien oinarrizko kopiak bitarteko elektronikoen bidez helarazteko prozedura egokitzen duenak, ezarritakoaren arabera, 2016ko urtarrilaren 1etik aurrera, enpresek egiten dituzten lan-kontratuen edukia, luzapenak eta oinarrizko kopiak helaraziko beharko dizkiote Lanbide-Euskal Enplegu Zerbitzuari. Horretarako, Lanbide-Euskal Enplegu Zerbitzuaren webgunean (http://www.lanbide.euskadi.eus) ezarritako konexio telematikoa erabili beharko dute, horretarako bereziki sortutako web-aplikazio baten bidez. Aplikazio hori Contrat@ Kontratuak Internet bidez jakinarazteko zerbitzua da.

Administrazio publikoek eta lan-kontratuak, kontratuen luzapenak eta haien oinarrizko kopiak helarazteko betebeharra duten gainerako erakunde publiko nahiz pribatuek ere betebehar hori dute.

Esteka honetan, prozedura arautzen duen araudia ikus dezakezu.

Sarbidea aplikaziora

Azken berriak

Soldata erregistratzeko betekizun berria

Langilerik baduzu kontratupean, soldata-erregistro bat ere bete beharko duzu Azken hilabeteotan asko hitz egin da lanaldiaren erregistroa osatzeko betebeharrari buruz,...