Gizarte Segurantzako araubidea sozietate mugatuetako eta anonimoetako administratzaileentzako

Kapital-elkarteetako (SL eta SA sozietateetako) bazkideen eta administratzaileen artean ohiko zalantza izaten da:

  • Nahitaez eman behar al dut alta Gizarte Segurantzan?
  • Horrela bada, autonomoen araubidean ala araubide orokorrean emango dut izena?

Galdera horri erantzun egokia emateko kontuan hartu beharko da:

  • Enpresan lan egingo duen ala ez. Bazkide kapitalista besterik ez direnek ez dute Gizarte Segurantzan alta emateko betebeharra.
  • Bazkideak enpresan lan egin behar badu, berriz, sozietatearen kapitalean duen akzioen edo sozietate-partaidetzen ehunekoari erreparatu beharko zaio.

Kooperatibetako edo lan-sozietateetako bazkide langileek ez bezala, kapital-elkarteetako bazkideek ezin dute hautatu Gizarte Segurantzako zein araubidetan kotizatuko duten, Gizarte Segurantzak berak erabakitzen du autonomoenean ala araubide orokorrean kotizatu beharko duten.

Erabaki hori alderdi hauen arabera hartuko du:

  • Bazkideak enpresaren kapital sozialean duen partaidetzaren ehunekoa.
  • Administratzaileak eta bere etxean bizi diren zuzeneko senitartekoek batera duten partaidetzaren ehunekoa.
  • Zuzendaritza- eta kudeaketa-lanak egingo dituen ala ez.

Gizarte Segurantzak hiru aukera ematen ditu langile bazkideak dagokien araubidean sartzeko:

  • Araubide orokorra.
  • Araubide orokor parekatua (langabezia-prestaziorik eta Soldatak Bermatzeko Funtsik gabe).
  • Norberaren konturako langileen edo autonomoen araubide berezia.

Kasuistikak eta kapital-elkarteetan dagokien araubidea

Azkenik, kasu berezi bat aipatuko dugu: elkarte profesionalak esaten zaien horien kasua.

  • Profesionalen elkargo bateko kidetza nahitaezkoa duten jarduera profesionalak aurrera eramateko helburuarekin sortzen diren sozietate edo elkarteak dira.
  • Medikuen, ikuskatzaileen, abokatuen, arkitektoen eta abarren kasua da.
  • Elkarte horiek berariazko araudia dute, martxoaren 15eko 2/2007 Legea.
  • Kasu horietan, bazkide profesionalek aukera dezakete autonomoen araubidean edo lanbide horietako batzuek duten Mutualitatean kotizatu.

 

Gai horren inguruko edo zure enpresa- edo lanbide-jarduerarekin lotutako besteren bati buruzko zalantzaren bat baduzu, eskura duzu:

  • Consulting PROren doako telefonoa: 900 100 240
  • Edo zuzenean galde diezagukezu web-orri honen bidez.
  • Eta orain informazio gehiago izateko Linkedin-en jarrai diezagukezu.

Azken berriak

Gasteizko Ekonomia Suspertzeko Plana

Gasteizko udalak laguntzak jarri ditu abian merkatariei, ostalariei eta hainbat sektore ekonomikotako enpresa txikiei laguntzeko. Planak 2,7 milioi eurotan baloratutako ekintzak ditu,...

Autonomoentzako COVID-19 laguntzak Nafarroan

Nafarroako Gobernuak zuzeneko eta aparteko bi laguntza-mota onartu ditu autonomoen taldearentzat: lehena 2.200 eurokoa da, eta martxoaren 17ko 8/2020 Errege Dekretuaren 17....